Rrjeti i Organizatave Joqeveritare, Avonet, ka kërkuar që të garantohet autonomia dhe pavarësia e medias nga ndërhyrjet politike, raporton teve1.info
Përmes një komunikate për medie, ky rrjet i organizatave ka thënë se shpreh shqetësim për pezullimin e certifikatës së biznesit ndaj Klan Kosovës derisa kanë shkruar se mbështesin lirinë e shtypit.
“Rrjeti i Organizatave Jo-Qeveritare AVONET, shprehim shqetësimin tonë dhe mbështetjen ndaj lirisë së shtypit dhe të medias së pavarur në rastin e pezullimit të certifikatës së biznesit, mediumit Klan Kosova. Liria e shtypit është thelbësore për demokracinë dhe transparencën në shoqëri. Mediat e pavarura kanë rolin e tyre të rëndësishëm në informimin e publikut dhe zbulimin e çështjeve të rëndësishme. Vendimi për pezullimin duhet të merret në përputhje me ligjet dhe institucionet kompetente për licencimin e mediave. Në Kosovë, duhet të garantohet autonomia dhe pavarësia e medias nga ndërhyrjet politike. Autoritetet duhet të sigurojnë kushtet për lirinë e shtypit dhe të mbrojnë të drejtat e mediave. AVONET mbështet respektimin e ligjit dhe inkurajon përmirësimin e klimës për mediat në vendin tonë”, thuhet ën reagim.
AVONET kërkon që të ruhet pavarësia e Klan Kosovës dhe të sigurohet vazhdimi i punës së tyre të rëndësishme në informimin e publikut.
“Liria e medias është një përparësi themelore në shoqëritë demokratike’, ka shrkuar Avonet.