Sipas AVONET, ky tender jep mundësinë për keq menaxhim të parasë publike përmes mekanizmit të prokurimit nga Autoriteti Kontraktues, në këtë rast të Komunës së Gjilanit dhe kërkon masa ndaj zyrtarëve të Komunës së Gjilanit, të cilët kanë vepruar në kundërshtim me Ligjin për Prokurimin Publik dhe ligjet tjera të Republikës së Kosovës.
Komunikata e plotë:
Deklaratë për media
Komuna e Gjilanit ka shpallur tender në kundërshtim me ligjet e Republikës së Kosovës për pozita si zyrtar për pranimin e palëve, zyrtar për Medvegjë dhe Bujanovc, Arkiv, zyrtarë ligjor, financiar, administratë etj
Gjilan, 15 prill 2022; Rrjeti i OJQ-ve AVONET shpreh shqetësimin e thellë ndaj keqqeverisjes që përmes saj jep mundësinë për keq menaxhim të parasë publike përmes mekanizmit të prokurimit nga Autoriteti Kontraktues, në këtë rast të Komunës së Gjilanit dhe kërkon masa ndaj zyrtarëve të Komunës së Gjilanit, të cilët kanë vepruar në kundërshtim me Ligjin për Prokurimin Publik dhe ligjet tjera të Republikës së Kosovës.
Komuna e Gjilanit ka proceduar me aktivitet të prokurimit me titull: “Shërbime Konsulente Individuale për nevoja të Komunës së Gjilanit”, me numër të prokurimit: 651-22-2711-2-1-1, e cili është në kundërshtim me ligjet e Republikës së Kosovës.
Gjatë analizës së dosjes së tenderit të aktivitetit të prokurimit nuk është gjetur se dosja e tenderit përmban termat e referencës dhe fushës specifike që kjo thirrje e tenderit është në aspektin e fushës specifike që nuk është e përfshirë në katalog të vendeve të punës në kuadër të shërbimit civil sipas Ligjit për Zyrtarët Publik me nr 06/L-114 në komunën dhe organet tjera vartëse të saj, paga e të cilëve do të paguhet përmes operatorit ekonomik dhe jo direkt nga komuna, kjo për AVONET-in është shkelje flagrante dhe është në kundërshtim me ligjet e Republikës së Kosovës.
Bazuar edhe në njoftimin e Komisionit Rregullativ të Prokurimit Publik (KRPP-së) të datës 02.02.2021 e cila ka njoftuar Autoritet Kontraktues se këto veprime janë në kundërshtim me nenin 3 të Rregullave për Prokurim të Shërbimeve të veçanta i cili thotë:
Neni 3.1: Këto rregulla aplikohen vetëm për prokurimin e Shërbimeve të veçanta të cilat nuk mund të sigurohen përmes procedurave të rekrutimit sipas Ligjit për Zyrtarët Publik nr. 06/L-114. Shërbimet e veçanta të cilat nuk mund të sigurohen përmes procedurave të rekrutimit janë shërbime profesionale për të cilat Autoriteti Kontraktues ka nevojë por që nuki plotëson kërkesat me staf që e ka.
Neni 3.2: Konsulenti/Kontraktori individual është një specialist në një fushë specifike, i angazhuar nga Autoriteti Kontraktues në rolin e një këshilluesi.
Në dosjen e tenderit të aktivitetit të prokurimit janë paraparë 44 LOTO me 44 pozita të ndryshme të punës dhe shumica e tyre janë të atyre si psh: Përgjegjesh për arkiv të Librar, Konsulent/Individual- Zyrtar Ligjor, Konsulent/Individual – Zyrtar për Pranimin e Palëve, Konsulent/Individual një fotograf, Konsulent/Individual – Zyrtar Administrative, Konsulent/Individual – Zyrtar për Medvegjë dhe Bujanovc, Konsulent/Individual – Zyrtar Financiar, Konsulent/Individua – Zyrtar për asistencë sociale dhe për këtë pozitë kërkohet diploma universitare, fakulteti ekonomik, juridik.
Ky veprim sipas AVONET-it konsiderohet i kundërligjshëm sipas ligjeve të Republikës së Kosovës, respektivisht, pozitat e tilla në komunë bëhen përmes ligjit për shërbyes civil dhe atij për zyrtarë publik dhe kjo për AVONET konsiderohet si keqpërdorim i pozitës dhe autoritetit zyrtar, keqmenaxhim i parasë publike.
Kërkojmë nga autoritetet tjera të Republikës së Kosovës të cilat kanë mandatë për mbikëqyrjen e prokurimit publikë, shpenzimit të parasë publike të veprojnë dhe të ndërmarrin veprimet e tyre.
AVONET, konsideron se keqmenaxhimi i parasë publike dhe veprimet e tilla janë të sanksionuara me ligjin PËR MENAXHIMIN E FINANCAVE PUBLIKE DHE PËRGJEGJËSITË dhe LIGJIN PËR FINANCAT E PUSHETIT LOKAL dhe Rregulloret e Thesari 01 dhe 02 të Republikës së Kosovës, poashtu edhe me KODIN PENAL I REPUBLIKËS SË KOSOVËS me NR. 06/L-074, poashtu ky veprim është i sanksionuar edhe në KAPITULLIN XXXIII KORRUPSIONI ZYRTAR DHE VEPRAT PENALE KUNDËR DETYRËS ZYRTARE me Neni 414 Keqpërdorimi i pozitës apo autoritetit zyrtar.
AVONET kërkon nga Prokuroria e Shtetit të filloj hetime ndaj autorëve të këtyre shkeljeve dhe përgjegjëse, në këtë rast të zyrtarëve të Komunës së Gjilanit.
Poashtu i kërkojmë kryetarit të Komunës së Gjilanit z. Hyseni që si Zyrtar Kryesor Administrative (ZKA), i cili si pas Ligjit për Vetëqeverisje Lokale është përgjegjës për sundim të ligjit, menaxhim efikas dhe efektiv të parasë publike, që të ruaj, mbroj dhe parandaloj çfarëdo veprimi që është në kundërshtim me ligjet e Republikës së Kosovës dhe ta pezulloj këtë aktivitet të tenderit.
