Pranë Dhomave të Specializuara të Kosovës në Hagë fjalën përfundimtare ka vazhduar ta jap avokatja e Hashim Thaçit, Nina Tavakoli e cila tha se Zyra e Prokurorit të Specializuar nuk është bindëse dhe nuk ka pikë prove për argumentet e veta.
Ajo para trupit gjykues ngriti pikëpyetje në atë se si mundet një person që u pajtua për demilitarizimin e UÇK-së, punoi me UNMIKU-un dhe pranoi humbjet e zgjedhjet në vitin 2001 të duket se mundohej të kishte kontroll mbi Kosovën.
“Si është e mundur që një burrë që pajtohet ta demilitarizojë UÇK-në, që punon në mënyrë konstruktive me UNMIK-un pas luftës, dhe i cili më pas në tetor të 2000-shit dhe në nëntor të 2001-shit pranoi humbjet në zgjedhjet demokratike dhe vazhdoi të punonte fort deri sa i fitoi zgjedhjet në vitin 2007, si mundet që një person i tillë të të duket që po mundohej të kishte kontroll dhe të fitonte kontroll mbi Kosovën. Ne themi se ky nuk është rasti dhe mendojmë se ZPS nuk është bindëse në atë që thotë dhe nuk ka pikë dëshmie dhe prove për argumentet e veta”, tha avokatja.
Ajo tutje ka theksuar se Prokuroria nuk ka vërtetuar se Thaçi e ka përdorur Qeverinë e Përkohshme për të realizuar planin e përbashkët kriminal të pretenduar.
“ZPS nuk ka vërtetuar përtej dyshimit të arsyeshëm se Thaçi ka përdorur Qeverinë e Përkohshme që të realizonte planin e përbashkët kriminal të pretenduar”, tha Tavakoli.
Për pretendimet e ZPS se Thaçi kontestonte autoritetin e UNMIK-ut, avokatja Nina Tavakoli nuk e mohoi se një gjë e tillë kishte ndodhur në ditët e para, por që më pas Thaçi kishte bashkëpunuar me misionin e UNMIKU-ut.
“Ne nuk e mohojmë se në ditët e para të misionit të UNMIK-ut, Hashim Thaçi garoi për ndikim me UNMIK-un dhe u mundua të krijojë një rol për qeverinë e përkohshme sa i takon qeverisjes së Kosovës , por në fund ai iu drejtua bashkëpunimit me UNMIK-un. Të paktën ka pasur 3 qeveri në Kosovë në atë kohë, qeveria e përkohshme e Kosovës, qeveria e Bukoshit dhe zyra e qeverisë serbe në Prishtinë. Asnjëra prej tyre qeverive nuk ishte ligjore në përputhje me rezolutën 1244 . Por ZPS nuk pretendon se dy qeveritë e tjera ishin mjet i NPK-së, por thonë se LDK-ja ishte viktimë e NPK-së të qeverisë së përkohshme”, tha ai.
