Avokatja e Diamand Gashit, njërit nga të dyshuarit për vrasjen e rreshterit Muhamed Lika, Fehmie Gashi ka njoftuar se në kërkesën për paraburgim nuk përmendet që rasti ka “lidhshmëri ideologjike, fetare, islamiste”
Gashi ka thënë se kërkuar nga prokurori i çështjes dhe kryeprokurori i Prokurorisë Themelore në Ferizaj që të japin sqarime për këtë.
“Ajo çka mund të them për juve dhe opinionin në këtë fazë dhe gjatë gjykimit unë kërkova prokurori i çështjes që së bashku me kryeprokurorin e Ferizajt, Burim Çerkini, të dalin edhe një herë të japin sqarime që kjo vrasje askund nuk është përmend në kërkesën e paraburgimit se ka lidhmëri ideologjike, fetare, islamiste, siç po e përdorin mediat e informimit për arsye se është edhe një rrethanë tjerët, është edhe me Kodin Penal të Kosovës, edhe me konventa ndërkombëtare dhe me Kushtetutë të Kosovë, ju e dini ekziston rregulla e prezumimit të pafajësisë derisa aktgjykimi ta marrë formën e prerë mandej në këtë rast në njëfarë mënyrë po etiketohet familja e tyre”, ka deklaruar ajo para gazetarëve pas përfundimit të seancës në Gjykatën Themelore në Ferizaj.
Gjashtë të dyshuarit për vrasjen e rreshterit Muhamed Lika dalin sot para gjykatës
