Avokati Ardian Bajraktari, tha se qështja e drejtësisë për masakrat e kryera në Kosovë gjatë vitit 1998-99 është dashur të institucionalizohet, raporton teve1.info
Në emisionin “Këndi i Debatit” në Tëvë1, Bajraktari tha se meqë dëshmitë e krimeve të luftës nuk janë dokumentu, tashmë kriminelët shëtisin të lirshëm.
“Kjo çështje është dashtë me u institucionalizu, shteti është dashtë me shku atje, atje me i marrë dhe sa më parë që do të ishte e mundur me i marrë dëshmitë por fatkeqësisht nuk janë bërë këto. Prandaj kriminelët përveç se shëtisin të lirshëm, ata nuk kanë edhe verdikt, së paku në kuptimin e një satisfaksioni moral që ta ketë gjykimin, qoftë edhe një gjykim në mungesë”, tha Bajraktari.
Megjithatë, sipas Bajraktari, vitin që shkoi janë ngritë disa aktakuza, një numër i tyre në mungesë për krimet e luftës.
“Më mirë vonë se sa kurrë. Vitin që shkoi kemi një numër të aktakuzave të ngritura, 8 prej të cilave në mungesë, pjesa dërmuese janë për kategori të veprave penale të krimeve të luftës por natyrisht që nuk i anashkaloj prej fajit edhe kolegët e mi që natyrisht që ndonjëherë ndoshta të fokusuar më tepër dika tjetër edhe këtë ndjesinë, këtë aspektin e humanitetit ndonjëherë dimë me shmangë. Mirëpo kjo është fatkeqësi prandaj edhe për këto masakra edhe për të tjerat akoma nuk ka verdikt përfundimtar ose ka një numër jashtëzakonisht të vogël të atyre që kanë marrë verdikte gjyqësore qoftë edhe në nivel themelor , nuk di një numër tepër modest është i atyre që janë konfirmuar edhe në instancat më të larta’, tha Bajraktari.
Mirëpo, ai i lë faj edhe institucioneve ndërkombëtare të cilat nuk janë marrë me çështjen e ndjekjes penale për masakrat e kryera në Kosovë.
“Për me konkludu: Në raport me hetimin, në raport me ndjekjen është shumë e vërtetë që mekanizmat ndërkombëtar kanë pas përgjegjësi siç e tha edhe kolegu Demhasaj. Unë e di që për shembull që ka pas plot raste, ndoshta jo për masakrën e Lybeniqit, por edhe për të tjera që vetëm i kanë mbajt në sirtar ndërsa kur i kanë dorëzuar tek autoritete vendore ndoshta ka pas një letër aty ose fare. Kjo dëshmon për vullnetin, për gatishmërinë që mekanizmat ndërkombëtar me theks të veçantë EULEX-i ka pas”, tha Bajraktari.
