1 nëntori, doli të jetë tragjik për Millan Vukashinoviq.
Ky i fundit, dyshohet se u plagos e më pas u rrëmbye në këtë rrugë në fshatin Jellackë të Leposaviqit.
Autorët e kësaj vepre, dyshohet të jenë xhandarmëria serbe.
E vet Vukashinoviq, dyshohet të jetë në spitalin e Nishit, në gjendje të rëndë shëndetësore.
Avokati i tij, Ivan Niniq, i ka drejtuar disa pyetje vet presidentit serb, Aleksander Vuçiq.
- a është qëlluar Vukašinovići nga mbrapa?
- a kanë marrë pjesë në incident pjesëtarë të Ushtrisë së Serbisë me uniforma kamuflazhi pa shenja?
- dhe a kanë marrë pjesë, përveç ushtrisë, edhe persona të tjerë në “aksionin e gjuetisë?
Tutje, Niniq ngriti shqetësime edhe për trajtimin e Vukashinoviq në spitalin e Nishit.
• A i është hequr veshka e majtë dhe qeska e zemrës?
• a është plumbi ende në shtyllën kurrizore?
• sa gjak ka humbur gjatë transportit nga Prokuplje deri në Nish?
• dhe a do ta bëjnë pasojat e plagosjes Vukashinoviqin invalid?
Avokati serb, pyeti autoritetet e Beogradit se ku mbeti vetura më të cilën po udhetonte Milan Vukashinoviq.
• A është kryer hetimi në vendngjarje, kush e ka kryer atë dhe kur?
• dhe çfarë ka ndodhur me automjetin e Milanit, një Lada Niva?
• A keni menduar se kjo do të mbulohet? A mendoni se askush, kurrë nuk do të mbajë përgjegjësi?“
Rasti është konfirmuar edhe nga Policia e Kosovës.
Ndërsa deri më tani, nuk ka një reagim nga autoritetet serbe.
