Me 14 dhjetor do të jetë seanca e radhës në Gjykatën Speciale në Hagë, ku do të jipet aktgjykimi i apelit në rastin e Salih Mustafës, bazuar në vendimin e shkallës së parë.
E për këtë çështje avokati, Kadri Osaj tha se në rast se vërtetohet vepra penale dënimi i shqiptuar prej 26 vitesh nuk është në përputhje me ligjin në fuqi. Derisa sipas tij, në qoftë se vërtetohet vepra penale, Salih Mustafës nuk mundet t’i shqiptohet dënimi më tepër se 15 vite.
“Pas luftës menjëherë me një rregullore nga ana e UNMIK-ut është shfuqizu denimi me vdekje sipas legjislacionit në fuqi, në atë kohë është i paraparë dënimi me vdekje ose dënimi deri në 20 vite ku në rastet konkrete nuk shqiptohet më tepër sesa 15 vite. Edhe këtu në qoftë se vërtetohet do me thënë vepra penale, atëherë dënimi i shqiptuar prej 26 vite nuk është në përputhje me ligjin që është në fuqi. Kështu që është bërë një gabim aty, ka një hapësirë me u shqyrtu një dënim tjetër. Juridikisht ka gjasë t’i ulen vitet e dënimit duke e shfrytëzuar ligjin më të favorshëm, ka gjasë. Nuk mundet me i’u shqiptu më tepër dënim se 15 vite në qoftë se vërtetohet vepra penale, mos ta paragjykojmë çështjen “, tha avokati Osaj në emisionin “Ditari” në Tëvë1./teve1.info./
