Mbrojtja e Hashim Thaçit tha se klienti i tyre nuk ishte i kënaqur me largimin e civilëve serbë nga Kosova, pas mbarimit të luftës, raporton teve1.info
Gjatë paraqitjes së fjalës së tij, Avokati i Hashim Thaçit, Lluka Mishetiq, tha se as Thaçi e as Shtabi i Ushtrisë Çlirimtare të Kosovës nuk ishin pajtuar me sulmet dhe frikësimet e vazhdueshme ndaj popullatës së pafajshme në Kosovë.
“Raporti vëren se ka të ngjarë se Thaçi nuk ka qenë i kënaqur nga këto krime ndaj serbëve dhe ‘është e besueshme që udhëheqësi i UÇK-së, Hashim Thaçi së bashku me shumë prej komandantëve të lartë, mund të mos jenë të kënaqur me këto sulme dhe frikësim të vazhduar ndaj popullatës shqiptare të Kosovës’”, tha ai.
Sipas avokatit, Thaçi kishte kërkuar që serbët e larguar të ktheheshin dhe të punonin “për ndërtimin e paqes në Kosovë”.
“Nuk do të lejojmë që askush në qytetin e Rahovecit t’i merr nën mbrojtje kriminelët nuk do të lejojmë anarki, as një frymë të jo tolerancës sepse ne siç kemi treguar, do të tregojmë se jemi ata që kemi respektuar rregullat dhe rendin demokratik. Siç kemi respektuar, do t’i respektojmë përsëri”, kishte deklaruar Thaçi në 1999-n në një takim me qytetarët e Rahovecit, deklarim ky i cili u përdor nga mbrojtja para trupit gjykues.
