Avokati i Thaçit, Lluka Mishetiq, ka thënë se Tribunali Ndërkombëtar në Hagë, kishte thënë se konflikti i armatosur në Kosovë kishte përfunduar në mes të qershorit të vitit 1999.
Sipas Mishetiq, këtë pohim e kishte bërë edhe Clint Williamson, prokurori amerikan i angazhuar për të hetuar nëse UÇK-ja ka kryer krime.
Ai ka thënë se: “Prokuroria e Specializuar duhet të provojë se kishe konflikt të armatosur deri në shtator”.
Ndërsa, avokati tjetër mbrojtës, Kehoe duke folur për periudhën pas çlirimit të Kosovës dhe nisjes së administrimit të Kosovës nga UNMIK-u, tha se krime mund të ketë ndodhur në nivele lokale me motive hakmarrjeje.
“Aktet e lokalizuara të dhunës individuale të nxitura nga zemërimi, urrejtja, mungesa e llogaridhënies ishin të pashmangshme”, tha Kehoe duke thënë se njerëzit që ishin kthyer nga dëbimi i gjetën pronat e tyre të djegura dhe të dëmtuara.
Tutje, ai ka thënë se aktet e dhunës shpesh shkaktoheshin nga kriminelët, elementët keqbërës të UÇK-së, njerëz që prezantoheshin si UÇK, mbanin uniforma të blera në rrugët e Prishtinës e gjetkë. /teve1.info/
