I ftuar në emisionin “Info Nata” në Tëvë 1, Rexhepi ka thënë se aktakuza e ngritur nga Prokuroria Themelore në Ferizaj është e bazuar mirë për shkak të posedimit të video-incizimeve.
Sipas tij, vdekja e Osmanit është vrasja më e rëndë në periudhën e pasluftës, për shkak të torturave ç’njerëzore që i janë bërë asaj para vdekjes.
“Raporti autopsisë ka qenë e pakapshme si mund të ndodhë gjithë këto veprime të dy personave të akuzuar ndaj një viktime meqenëse raporti e bën vrasjen e tmerrshme që parimisht vdekje, vrasje më të rëndë në periudhën e pasluftës nuk ka pasur sepse është vrasje e ngadalshme me metoda primitive ku raporti thotë se ka politraumë, thyerje të shumta, nuk janë përfhsir ku janë ato thyrje. Por për interes të publikut janë tre brinjë, dy unaza të qafës, këputje të boshtit kurrizor, të qafës, thyerje të plavikulës dhe nofulla në fund edhe për shkak të goditjeve të shumta që ka përjetuar dhe përplasjeve viktima ka edhe gjakderdhje në kokë”, thotë ai.
Madje, avokati thotë se vdekja e Osmanit cilësohet si e ngadalshme, për shkak se kishte vdekur 48 orë para se të dërgohej në Spitalin Rajonal të Ferizajt.
“Mjetet, detajet nuk ceken por sigurisht kur bëhet ekzaminimi para gjykatës citohen edhe janë edhe videoxhirimet mirëpo goditjet e tmerrshme që kanë qenë është periudhë e vdekjes së viktimës 48 orë më herët d.m.th vdekje e ngadalshme, nuk është e shpejtë e kemi prej përvojave të shumta vrasjet që ndodhin”, shton ai.
Tutje, Rexhepi thekson faktin se e ndjera nuk kishte komunikim me familjarët e saj, rreth tre ditë para se të vritej mizorisht nga Krivaqa e Sejdiu.
“Përafërsisht komunikimi i të ndjerës me nënën e vet 72 orët e fundit nuk ka pasur komunikim për shkak se përshkrimin që e bën para Prokurorisë thotë se kam biseduar dy tri herë në ditë me të ndjerën ndërsa 3 ditët e fundit nuk ka pasur kontakt me vajzën ndërsa në bazë të videoxhirimeve diku vdekja e saj është 48 orë më herët ka edhe video që të ndjerën janë duke e bartë në një dhomë në tjetrën është e pafuqishme për shkak të goditjeve”, thotë ai.
Ndërkaq, në vendngjarje avokati ka treguar se janë gjetur edhe medikamente që përdoren për dhimbje të mëdha, që dyshohet se janë përdorur edhe nga të dyshuarit edhe nga viktima.
“Gjetjet janë se ka qenë një medikament një lloj analgjetiku që përdoret për dhimbje të mëdha kur ka zakonisht njerëzit që janë të sëmurë prej kanceri. Të ndjerës i është gjetur në xhep se ka pasur medikamente të tilla po ashtu në dhomën ku kanë qenë të vendosur janë gjetur medikamente të tilla besoj ndaj viktimës është përdorur ajo janë gjetur edhe në aktakuzë thjesht nuk e di edhe vet për mua është e pakapshme si mundet të bëhet një veprim i tillë”, thotë ai./teve1.info/
