Avokati Tomë Gashi i ka dorëzuar kërkesë Prokurorisë Speciale të Kosovës që të ftohet me rastin e intervistimit të ministres së Drejtësisë, Albulena Haxhiu, lidhur me rastin e Astrit Deharit.
Përmes një statusi në Facebook, Gashi ka shkruar Prokuroria i ka bërë shumë veprime lidhur me hetimin vrasjes së Astrit Deharit pa prezencën e tij, derisa tani i ka kërkuar me shkrim që të jetë prezent në intervistimin e ministres Haxhiu.
“Tani të shofim Prokuroria si do ti përgjigjet kësaj kërkese ..!”, ka shkruar ndër të tjera Gashi në postimin ku e ka bashkëngjitur edhe shkresën drejtuar Prokurorisë.
