Në emisionin “De Jure” në TëVë1, avokati Kadri Osaj, ka thënë se edhe ashtu sistemi gjyqësor nuk është efikas në zgjedhjen e lëndëve.
“Përkundër vështirësive paraprake që i kemi pas, tani është shtu edhe një për të cilën qytetarët nuk kanë aspak faj. Konsideroj se ky problem që është shfaqë është problem i partnerëve social domethanë përfaqësuesve të institucioneve edhe përfaqësuesve të punëtoreve ose sindikatave, ashtu që, në vend që dy palët të ulen dhe të bisedojnë dhe të zgjidhin problemin edhe t’i zgjidhin çështjet që janë për t’u diskutuar, po dëmtohen qytetarët padrejtësisht. Po në vazhdimësi kështu ashtu gjyqësori nuk po është efikas në shqyrtimin e lëndëve si rezultat i neglizhencës të ushtrimit të kontrollit nga ana e Këshillit Gjyqësor”, ka thënë ai.
Edhe avokati Muhamet Mujaj, ka thënë se shumica e seancave kanë dështuar, madje ai thotë se nuk ishte mbajtur as një seancë me dhunë në familje e që ka qenë në mesin e punëve urgjente që duhet të kryhen.
“Fatkeqësisht gjatë kësaj greve shumica e seancave të cilat ne i kemi pasur obligim si mbrojtës i palëve kanë dështuar për shkak të grevës që ka ndodhur. Hiç më larg se dje e kemi pasur seancën statusore në gjykatën e Drenasit ku është dashur të mbahet një seancë e rastit familjar, ka dështuar për shkak se nuk kanë pasur staf, sekretare juridike. Po besoj që ishte dashur të mbahet meqë është një vendim i Këshillit Gjyqësor të Kosovës që së paku rastet e dhunës në familje dhe rastet që janë me paraburgim ose disa raste prioritete të mbahen, ish dashtë të mbahet, por nuk e di arsyen”, ka thënë ai.
Për më shumë, ndiqeni emisionin “De Jure” me temën “Paqartësitë e grevës në sistemin e drejtësisë”, i cili transmetohet në Tëvë1 dhe “Betimi për Drejtësi”./Tëvë1/
