Në emisionin “Info Nata” në Tëvë1, Ajeti tha se Zahir Pajaziti ishte motiv për luftëtarët tjerë, andaj sipas tij humbja e Zahir Pajazitit ishte ditë e rëndë për bashkëluftëtarët.
“Kur flasim si jemi ndier, më të rrëzuar për tokë, si ushtarë të UÇK-së, sepse Zahiri ishte ai që motivin dhe moralin nga ai e merrnim, e për vrasjen, ditë më e rëndë dhe më e vështirë nuk e di që kemi pas”, tha Ajeti.
Megjithatë, ai shtoi se humbja e Zahir Pajazitit dhe dhimbja për të, iu shndërrua në forcë.
“Por, njeriu dhe ushtarit i vjen diqysh njëfarë, kur e humb një shok, ajo vetëm kthehet në forcë”, u shpreh Ajeti.
Ajeti tha se si bashkëluftëtarë i Zahir Pajazitit, e kishte fatin e keq kur pas Zahirit e humbi edhe bashkëluftëtarin tjetër, Ilir Konushevcin.
