Njohësi i çështjeve politike, Tomor Avdija ka thënë se në debatin e Par të Britanisë së Madhe për situatën në Kosovë, është etiketuar fajtori.
Ai duke komentuar deklaratën e deputetes dhe Kryetares së Komisionit për Punë të Jashtme, Alicia Kearns, ka thënë se fajtori ishte Serbia.
“Debati në Parlamentin Britanik ka etiketuar se kush është fajtori dhe ai është shteti i Serbisë dhe ata kanë kërkuar një analizë të saktë nga sekretari i jashtëm se çfarë saktësisht ka ndodhur. Edhe institucionet tona duhet ta shpalosin në gjitha institucionet se çfarë ka ndodhur pasi në këto ditë Kosova është etiketuar se ka bërë dhunë ndaj popullatës së saj”, tha ai në emisionin “InfoNata”.
Ndërsa duke komentuar kritikat ndaj Kurtit për veprimet në veri dhe se cili ishte faji i tij, Avdija tha se Kurti këto veprime të tanishme, është dashur t’i bëjë para 1 viti atje.
“Faji i Kurtit në këtë mes, është sepse këtë veprim që e ka bërë para një muaji në veri, është dashur ta bëjë para 1 viti. Vendimi që ka marrë tani Kurti dhe institucionet tona, e kanë prishur ndotjen e status quo-s së dialogut. Me veprimet që janë bërë është krijuar një momentum i ri”, shtoi tutje Avdija.
