Analisti i çështjeve politike në Kosovë, Tomorr Avdia, ka analizuar fotografitë e publikuara nga Presidenca gjatë pjesëmarrjes së Presidentes Vjosa Osmani në ceremoninë shtetërore në Shqipëri, raporton teve1.info
Ai tha se veshja me ngjyrë të kuqe e Presidentes Osmani tregon një simbolikë të rëndësishme.
Mirëpo, ai ka kritika sa i përket ngjyrës së këpucëve. Sipas analistit Avdia, në këtë rast do të shkonin këpucë ngjyrë të zezë apo vishnje të errët.
“Është një ceremoni e rëndësishme shtetërore, ku të dy protokollet, protokolli i shtetit shqiptar ka realizuar në këtë formë ceremoninë. Garda e Republikës së vendosur në hyrje të rezidencës presidenciale të presidentit të Republikës. Pra, edhe këtu Presidentja Osmani ka pasur një simbolikë ku është dizajnuar me veshjen me ngjyrë të kuqe, simbolikë e rëndësishme. Por, në këtë rast duhet të themi një fakt se simbolika e saj ka një mangësi të vogël tek veshja e këpucëve ku këpucët nuk koordinojnë saktë me këtë pamjen e cila i është dhënë ose dizajnuar në këtë rast. Ngjyra e këpucës dhe ngjyra e cila është theksuar atje një ngjyrë qumështi e zbehtë, nuk lidhet me nuancat e ceremoniale sepse duhet, kjo është ceremoni e nivelit shumë të lartë. Në këto raste këpucët vendosen ose të zeza, vishnje të errët ose një ngjyrë e cila jep një simbolik të rastit dhe këto pamje të këpucëve janë për ceremoni të nivelit të lartë”, tha Avdia.
Analisti Avdia tha se presidentja e Kosovës, Vjosa Osmani ka treguar paraqitje të mirë në ceremoninë shtetërore në Shqipëri javën e kaluar, duke treguar shikim bindës, përqendrim dhe renditje.
“Ajo në çka fiton vlera presidentja jonë është shikimi bindës, përqendrimi dhe renditja e saktë. Kurse Presidenti Begaj ka përmbushur një format të saktë i cili ka përdorë veshje të rëndësishme duke përfshirë këtu dhe ngjyrën e këpucëve, kostumin dhe pamjet e tjera. Por Begaj duket një statik, kjo duket nga prejardhja e tij ushtarake dhe kjo është që këtë e karakterizon këtë lloj pamje edhe ne duhet të përmendim edhe një fakt tjetër sepse ceremonitë e tilla krijojnë një lloj emocioni dhe krijojnë një lloj fryme ndryshe prej ceremonive të tjera pra ceremonive të nivelit shumë të lartë dhe në këtë rast, këtu kuptohet se për shkak të punës së tij si ushtarak e ka më të lehtë zoti Begaj sesa zonja Osmani”, tha ai.
Ndërsa, në fotografinë gjatë intonimit të himneve shtetërore, Avdia e ka vlerësuar si më të mirë qëndrimin e Presidentes Vjosa Osmani se atë të presidentit të Shqipërisë, Bajram Begaj.
“Ky është format i rëndësishëm ku në këtë rast është bërë antonimi i himnit kombëtar dhe himneve. Zonja Osmani ka një pamje shumë në këtë rast bënë nderimin me dorë në zemër çfarë është karakteristikë e presidentëve dhe jep vlerë, forcë dhe duket nderimi më i lartë që në këtë kohë i japin presidentët. Në këtë rast Presidenti Begaj këtu e ka një qëndrim pak më të dobët se sa zonja Osmani. Begaj e ka edhe një kërrusje në qëndrimin e tij, nuk e ka qëndrimin e drejtë për çka duket një qëndrim jo-bindës në atë nivelin që e karakterizon shefin e shtetit dhe duket një qëndrim i cili e ka kap një moment të papërgatitur ose vet nuk i ka kushtuar rëndësi kësaj pjese”, shtoi analisti./teve1.info/
