Gjatë javës së ardhshme, Komisioni i Jashtëm i Parlamentit të Shqipërisë do të vijë për vizitë në Kosovë. Kështu bëri të ditur ish-diplomati, Tomor Avdia.
Ai tha se pas ardhjes së këtij komisioni, do të ketë shtensionim të situatës që është krijuar mes të dyja vendeve.
“Informacioni më i fundit, që gjatë javës që vjen një vizitë Komisioni i Jashtëm i Parlamentit të Shqipërisë për gjendjen që është krijuar këtu, dhe aty ata do të bijnë edhe një raport të saktë për krizën e këtyre marrëdhënieve, qëllimet, vendimet dhe çfarë duhet të bëjnë…unë e shoh se pas kësaj vizite të Komisionit të Jashtëm do të ketë një shtensionim të situatës për arsye se Komisioni i Jashtëm është i përbërë prej të gjitha partive dhe fatmirësisht në këtë legjislaturë të Kuvendit të Shqipërisë janë të përfshirë disa diplomatë të karrierës të cilët i njohin mirë rrethanat”, deklaroi ai në “Info Nata” në Tëvë 1.
Kryeminstri i Shqipërisë, Edi Rama ka qëndruar sot për vizitë në Kosovë, me ç’rast është takuar me presidenten Vjosa Osmani dhe kryetarin e Kuvendit, Glauk Konjufca.
Ndërsa një takim pritej ta zhvillonte edhe me kryeministrin Albin Kurti, por që ky i fundit e ka “refuzuar” duke thënë se të arsyeshme e sheh të mbahej mbledhja e dy Qeverive, e jo takime tjera. /Teve1.info/
