Ish-diplomati, Tomorr Avdia, në studion e “Info Natës” ka komentuar përplasjen e kryeministrit të Kosovës, Albin Kurtit me kryeministren e Serbisë, Ana Bërnabiq në Forumin Strategjik “Bled 2023” mbajtur javë më parë.
Avdia, thotë se ky debat ka ngjallur polemika jo vetëm brenda Kosovës e Serbisë, por edhe më gjerë.
“Ky është debati që ka ngjallur polemika jo vetëm brenda dy shteteve, por në rajon dhe më gjerë dhe në raportet mes Bashkimit Evropian dhe shteteve të cilat janë në dialog. Zoti Kurti në këtë fjalim jep garancen një mendimi të fortë, që siç duket zonja Bërnabiq është e habitur, duke sikur ajo po dëgjon diçka që po flitet për një proces ose për një vendim që është jashtë interesit të saj dhe i dukët që nuk është e saktë ajo që thuhet. Por, pamja e saj tregon saktë se çfarë përmbyll ai shtet dhe kryeministrja e saj”, tha ai në Tëvë1.
Sipas analistit, Kurti përmes fjalimit ka ngjallur forcë, bindje, argument si dhe ka treguar qartësi.
“Bërnabiq vetë shprehet me shikim i duket sikur ajo është një zonjë e cila palën përballë e konsideron si diçka që është e parëndësishme, por edhe shikimi i saj injorues në këtë rast dhe armiqësor i kombinuar në këtë rast, por diskutimi i zotit Kurti ngjallë forcë, bindje, argument, tregon qartësi, përmbushja e duarve të Kurtit dhe vendosshmëria në komunikim në këtë rast e kalon thellësisht vlerësimin e protokollit dhe për arsye që rrëfen të vërteta në atë që publiku ka dëgjuar”, shtoi ai.
Kurti në Forumin Strategjik “Bled 2023” në Slloveni gjatë fjalës së tij ka pasur polemikë me Bërnabiqin, pasi ajo e quajti Kosovën pjesë të Serbisë. Pas kësaj deklarate, Kurti ka thënë se Kosova ka vënë sanksione ndaj Rusisë, ndërsa Serbia as nuk po i mendon dhe nuk janë distancuar nga Millosheviqi as nga Putini.
Gjatë kësaj deklarate të Kurtit kanë duartrokitur të pranishmit, teksa ka thënë se “nuk është e lehtë për ne. Dua t’i normalizoj marrëdhëniet dhe do ta bëja menjëherë këtë, nëse fqinjët e mi do ishin çekë e jo serbë”./teve1.info/
