Përmes njoftimit, AUV ka treguar se sipas rezultateve, produktet nga brendi Kinder që nuk e kanë origjinë Belgjikën janë të sigurta për konsum.
“Agjencia e Ushqimit dhe Veterinarisë pas tërheqjes nga tregu të produkteve të brendit ‘Kinder’ prodhues Ferrero, për dyshimin e prezencës se Salmonella Typhimurium. Është kryer gjurmueshmëria e plotë e tregtimit të këtij produkti në Kosovë. Sipas të dhënave produkte nga brendi ‘Kinder’ janë importuar nga Gjermania, Italia, Polonia dhe Belgjika. Bazuar në të gjitha njoftimet e RASFF dhe lajmërimet e autoriteteve të shteteve produktet Kinder që nuk kanë origjinë Belgjikën janë të sigurta për konsum. Andaj AUV sot vendosi qe të lejoj rikthimin e tyre në treg për konsum”, thuhet ndër tjerash në njoftim.
Sipas komunikatës, që nga shtatori janë importuar 94 ngarkesa me produkte të “Kinder” në vetëm 9 prej tyre ka pasur sasi të vogla me origjinë në Belgjikë.
“Sipas të dhënave nga kontrolli kufitar, nga muaji shtator 2021 deri më tani janë importuar 94 ngarkesa me produkte të brendit Kinder, në vetëm 9 prej tyre ka pasur sasi të vogla me origjinë nga fabrika në Belgjikë. Të gjitha produktet tjera të brendit Kinder që janë importuar në Kosovë janë nga vend (Gjermani, Itali dhe Poloni), për të cilat nuk është pranuar asnjë njoftim për ndonjë dyshim, mbi bazën e kësaj lëshohen për qarkullim ne treg. Për këtë janë mbledhur dhe trajtuar të gjitha informatat, përmes të cilave është argumentuar se nuk ekziston ndonjë dyshim i bazuar për prodhimet e fabrikave nga shtet e lartcekura. Po ashtu të njëjta janë ne qarkullim në të gjitha vendet”, njofton ndër tjerash AUV./teve1.info/
