Kroacia ka alarmuar se një substancë kancerogjene u gjet në patatet e skuqura me shije speci të prodhuara në Serbi.
Njoftimi për këtë u bë edhe në faqen e internetit të Komisionit Evropian.
Siç njofton Agjencia Kroate e Ushqimit, vlerësohet se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat.
Por, Kosova nuk ka një njoftim zyrtar për këtë gjë.
Nga Agjencia e Ushqimit dhe Veterinarisë kanë thënë për teve1.info se deri me tani nuk ka pranuar notifikim (lajmërim) nga sistemi RASFF, për dyshime apo rrezik në produktet e prodhuesit të çipsave nga CHIPS WAY D.O.O, të prodhuesit nga Cacaku-Serbi për prezencë të Acrylamideve.
“Nëse do të kishte dyshime për produktet qe kanë qen të destinuara për tregun e Kosovës, lajmërimi do të ndahej me ne si autoritet AUV-në, ashtu sikurse ka ndodhur ne rastet e tjera. Me qëllim të informimit të konsumatorëve. Nga të dhënat e kontrollit kufitar, furnizimit i tregut te Kosovës nder vite ka pasur disa përfaqësueses- importues”, ka thënë zëdhënësi i këtij institucioni Lamir Thaçi.
Madje sipas tij importi i fundit nga kjo kompani është bërë më fund të muajit prill.
“ Mirëpo brenda vitit- 2023, në të dhënët e sistemit te AUV-së mund të konfirmojmë se janë realizuar vetëm tri ( 3) importe nga prodhuesi në fjalë nga një importues i vetëm. Është me rendësi të theksohet se importi i fundit është realizuar me datën 29.04.2023. Ndërsa notifikimi për produkte te kontaminuara është pranuar: Date of notification 02-08-2023 16:17:39”, ka thënë ai.
Thaçi për teve1.info ka thënë se kanë ngritur nivelin e gadishmërië pas raportimit në media për këtë ras.
“Me qëllim të heqjes se dilemave dhe informimit të saktë të konsumatorëve/heqjes së dyshimeve për produkte të kontaminuara, pas qarkullimi te informatave në media. Ne kemi ngritur nivelin e gatishmërisë për veprim. Në momentin qe pranohet Informim zyrtar nga RASFF, inspektorati i AUV është i gatshëm për veprim. Me informata e deritanishme nuk ka dyshime për produktet qe eventualisht ende mund të ketë ne treg nga ky prodhues për shkak se: Nga data 14/06/2023 sipas urdhrit nuk është lejuar asnjë import i produkteve me origjinë nga Serbia. Urdher i cili është ende në fuqi. Ne anën tjetër importi i fundit me produkte nga ky prodhues është realizuar me datën 29.04.2023, ndërsa notifikimi për produkte te kontaminuar është pranuar: Date of notification 02-08-2023 16:17:39. Të cilat kanë datë prodhimi pas datës kur është importuar ngarkesa e fundit”, tha ai.
