Policia e Maqedonisë së Veriut ka njoftuar mbylljen e trafikut në drejtim të pikës kufitare Bllacë me Kosovën, për shkak të një zjarri që vijon të digjet që nga dita e djeshme, raporton TRT Balkan Albanian.
Ministria e Punëve të Brendshme e Maqedonisë së Veriut u ka bërë apel te qytetarët që të shmangin këtë drejtim, duke paralajmëruar se pika kufitare do të mbetet e mbyllur deri në shuarjen e plotë të zjarrit dhe normalizimin e situatës në trafik.
“U bëjmë thirrje qytetarëve të mos drejtohen drejt Pikës Kufitare të Bllacës derisa të shuhet zjarri dhe të normalizohet trafiku”, thuhet në njoftimin zyrtar të MPB-së.
