Policia e Kosovës ka gjobitur autobusët e linjës Prishtinë-Podujevë të cilët nga dita e djeshme janë parkuar para Komunës së Prishtinës në shenjë proteste.
Linjat e autobusëve Podujevë-Prishtinë kanë hyrë dje në grevë, pasi sipas tyre iu ndalua hyrja dhe marrja e udhëtarëve në disa stacione të Prishtinës.
E për këtë çështje nga Shoqata e ndaluan punën dhe thonë se nuk do të vazhdojnë deri sa t’u lejohet të punohet si zakonisht.
Kurse nga Komuna e Prishtinës thonë se për këtë janë njoftuar me kohë.
“Njoftimi ka dal nga kabineti i kryetarit dhe janë njoftuar të gjitha njësitë apo institucionet përkatëse që merren me mbikëqyrjen dhe monitorimin e transporti publik në kryeqytet ku ata në bazë të rregullave dhe ligjeve që i kanë në fuqi kanë dal dhe i kanë detyrë që të respektojnë vendimin e kryetarit”, thotë Halil Halili u.d udhëheqës i sektorit për transport dhe trafik në Prishtinë.
Shoqata e Transportit të Podujevës kishte protestuar edhe rreth dy javë më parë, kundrejt disa linjave të autobusëve që ka lëshuar në qarkullim Komuna e Prishtinës.
Televizioni ka dërguar pyetje edhe në Ministrinë e Mjedisit, Planifikimit Hapësinor dhe Infrastrukturës për këtë çështje mirëpo të njëjtit deri në momentin e publikimit të kronikës nuk kanë kthyer përgjigje.
Policia ua ‘pret’ rrugën autobusëve të linjës Podujevë – Prishtinë
