Australia u ka bërë thirrje qytetarëve të saj të lëshojnë Iranin “nëse është e sigurt ta bëjnë këtë” deri sa armëpushimi mes Iranit dhe Izraelit po vazhdon.
Ministria e Jashtme ka shkruar në rrjetin social X se: “ Aeroportet ndërkombëtare në Iranin lindor, përfshirë dhe Mashhad për momentin janë duke punuar dhe dhe po bëhen të disponueshme mundësi të kufizuara nisjesh”.
Qeveria australiane “po siguron një numër të kufizuar vendesh në fluturimet komerciale që nisen nga Irani për ata që kanë nevojë për ndihmë”, tha ministria, duke shtuar: “Operacionet e aeroportit vazhdojnë të ndryshojnë me njoftim të shkurtër dhe ne po e monitorojmë situatën nga afër.”
Javën e kaluar, Canberra tha se situata në rajon “po ndryshon vazhdimisht”, shkruan Anadoly.
“Një armëpushim është aktualisht në fuqi. Vazhdon të ekzistojë rreziku i konfliktit të mëtejshëm ushtarak. Dhe situata e sigurisë mund të përkeqësohet me pak paralajmërim”, tha ajo.
Një konflikt midis Izraelit dhe Iranit shpërtheu më 13 qershor, kur Izraeli nisi sulme ajrore ndaj lokacioneve ushtarake dhe bërthamore iraniane, duke i nxitur marrëdhëniet me Iranin.
