Kapitenia e Bashkimit, Aulona Muhadri e ka fituar epitetin e basketbollistes më të mirë për xhiron e 19-të në Superligë.
Muhadri, të enjten është shpallur “MVP” e javës pas paraqitjes së mirë që e pati në fitoren e Bashkimit në udhëtim te Penza.
Muhadri ndeshjen e mbylli me 11 pikë, 11 kërcime e 4 asistime për t’u përfshirë edhe në “Top 5” të xhiros.
Krahas Muhadrit, edhe amerikania e Bashkimit, Caterrion Thompson ka zënë vend në pesëshen më të mirë pasi ndaj Penzës realizoi 22 pikë, 8 kërcime e 1 asistim.
Dy basketbolliste të Prishtinës, Besjana Martinaj e Tiffany Brown janë në ekipin më të mirë pasi ishin më të dalluarat në humbjen nga Peja 03.
Martinaj pati 16 pikë, 3 kërcime e 2 asistime kurse Brown regjistroi 17 pikë, 9 kërcime e 7 asistime.
“Top 5” mbyllet me basketbollisten e Pejës 03, Jordan King që ndaj Prishtinës pati 19 pikë, 7 kërcime e 7 asistime.
