Pune të mbarë u uroi.
Më 14 nëntor të vitit 2024, kryeministri në detyrë, Albin Kurti kishte vizituar nga afër ndërtimin e Klinikës së Hemato-Onkologjisë dhe Klinikën e Nefrologjisë në Qendrën Klinike Universitare të Kosovës.
Madje Kurti e kishte cilësuar një investim të rëndësishëm në ofrimin e shërbimeve mjekësore të cilat më herët nuk janë bërë.
“E jo që qytetarët në vend të mendojë se në cilin spital të shkojnë e të trajtohen të mendojë se me cilin avio-kompani të udhëtojnë për shërim jashtë vendit ashtu siç ka ndodhur në këto dy dekada. Pra do të ketë qasje në shërbime të reja te cilat aktualisht nuk janë të disponueshme ne vendin tonë”, ishte shprehur Kurti.
Për ndërtimin e këtyre klinikave, Kurti kishte thënë se janë dhënë nga buxheti i shtetit 4.3 milionë euro.
Por së fundmi, Zyra Kombëtare e Auditimit (ZKA) ka identifikuar mangësi të shumta në procesin e ndërtimit të e këtyre dy klinikave për periudhën 2018 – qershor 2025, projekt ky i Shërbimit Spitalor Klinik të Kosovës.
Në raportin “Ndërtimi i objektit për Klinikat Nefrologji dhe Hemato Onkologji” të publikuar të mërkurën janë evidentuar mangësi në buxhetin, tenderim dhe menaxhim të fondeve.
Sipas këtij raporti, ka mospërputhje në planifikimin buxhetor për ndërtimin e objektit, qasjen e dyfishtë në hartimin e specifikave teknike, mospërputhje mes dokumentacionit teknik të projektit dhe paramanës, mangësi në procesin e vlerësimit të ofertave gjatë tenderimit dhe dobësi në menaxhimin e shpenzimeve.
“Edhe pse projektimi, leja e ndërtimit dhe kontrata e ndërtimit specifikojnë se bëhet fjalë për një objekt të vetëm, buxhetimi për vitin 2024 dhe 2025 ka vazhduar për secilën klinikë ndaras, si dy projekte të veçanta pa bërë rregullimin e ndarjeve buxhetore në një projekt të vetëm. Kjo kishte ndodhur si rezultat i mungesës së kontrolleve të brendshme, mungesës së harmonizimit ndërmjet buxhetimit të projektit për një objekt të vetëm”, thuhet nga ZKA.
Poashtu, ZKA gjatë auditimit të dokumentacionit teknik të projektit dhe krahasimit me paramasën e paraqitur, kemi hasur mospërputhje në lidhje me klasën e betonit të parashikuar për strukturat kryesore ndërtimore dhe sasisë së armaturës dhe betonit.
Prandaj Zyra Kombëtare e Auditimit ka rekomanduar forcim të kontrolleve të brendshme, harmonizimin e buxhetimit dhe transparencën e fondeve, poashtu kontrolle të njësive kërkuese dhe zyrës së prokurimit për specifika të qarta.
