Audi ka ringjallur projektin e papërfunduar Auto Union Type 52 që do të ishte padyshim makina më e shpejtë në planet nëse do të prodhohej në vitet e tridhjeta të shekullit të kaluar.
Kompania ka sjellë projektin në Festivalin e Shpejtësisë në Goodwood.
Schnellsportwagen synohej të ishte një version rrugor i makinës së garave Grand Prix Type 22, me motor V16 me 200 kuaj fuqi dhe një shpejtësi maksimale të parashikuar 200 km/h.
Fatkeqësisht, në agimin e Luftës së Dytë Botërore, projekti u braktis diku në vitin 1935 dhe u la në një sirtar, ku qëndroi deri vitin e kaluar.
Audi fillimisht punësoi kompaninë e specializuar Crosthwaite and Gardner për të ndërtuar karrocerinë dhe më pas të gjithë komponentët mekanikë bazuar në projektin e disponuar. Puna zgjati një vit të plotë, dhe makina është pothuajse identike me origjinalin 70 vjet më parë.
I vetmi ndryshim i dukshëm është motori V16 i vendosur në qendër me para-mbushje, i cili në vend të 4.4 origjinal tani ka një vëllim prej 6 litrash. Fuqia u rrit nga 200 në 520 kuaj fuqi. Nuk ka dyshim se Type 52 është padyshim Audi më spektakolar në dekada.
Ajo duket si një McLaren – hapësira për tre njerëz dhe shoferi në mes. Në të njëjtën kohë, kjo makinë nuk është e vogël – ka gjatësi 5,3 metra, gjerësi 1,7 dhe lartësi 1,6 metra. Pesha totale e makinës është 1.450 kg./KP/
