Atletja Gresa Bakraçi do ta përfaqësojë Kosovën në atletikë në Lojërat Olimpike “Paris 2024”, ka konfirmuar Komiteti Olimpik i Kosovës (KOK), të mërkurën.
Sipas njoftimit të KOK-ut, Bakraçi do të garojë në disiplinën e 800 metrave. “Gresa merr pjesë me ftesë të univerzalitetit, pas përzgjedhjes së bërë nga komisioni përkatës i Federatës Ndërkombëtare të Atletikës (IAAF)”, thuhet në njoftim.
Lojërat Olimpike në Paris nisin më 26 korrik dhe përfundojnë më 11 gusht.
Përveç Bakraçit, Kosova do të përfaqësohet edhe nga pesë xhudistë e një boksiere në LO “Parisi 2024”.
Akil Gjakova, Distria Krasniqi, Nora Gjakova, Laura Fazliu e Loriana Kuka janë xhudistët që kanë siguruar normën olimpike, si dhe boksierja Donjeta Sadiku.
