Administrata Tatimore e Kosovës u ka shqiptuar 163 gjoba 12 bizneseve, për shkak të mosrespektimit të rregullave tatimore, kryesisht që lidhen me moslëshimin e kuponave fiskal.
Vlera e këtyre gjobave arrin në 41 mijë euro.
“Këto aktivitete kanë evidentuar edhe 77 punëtorë të pa regjistruar, si dhe janë konfiskuar 7 printer jo-fiskal”, thuhet në njoftimin e ATK-së.
ATK po ashtu tutje rikujton të gjithë tatimpaguesit se shkelje të tilla ligjor, ndikojnë rëndë në rritjen e ekonomisë jo-formale në treg, e cila më pas krijon pabarazi dhe konkurrencë jo të drejtë.
“Administrata Tatimore e Kosovës rikujton të gjithë personat të cilët merren me aktivitete afariste, se në bazë të legjislacionit tatimor aty ku nuk kërkohet të lëshohet faturë tatimore, janë të obliguar që të pajisen me pajisje elektronike fiskale (PEF) / sistem fiskal (SF) dhe të lëshojnë kuponë fiskal”, njoftohet tutje.
