Në njoftim thuhet se gjatë vizitave përmbushëse të ATK-së, janë gjetur edhe konstatime tjera si mungesa në stoqe, qarkullim dhe tatim shtesë.
“Inspektorët tatimor për pesë mujorin e parë të këtij viti kanë realizuar 15,276 vizita përmbushëse tek bizneset, si rezultat i konstatimeve në teren janë lëshuar 3,534 gjoba mandatorë, si dhe 184 gjoba për mallin e gjetur pa dokumentacion. Vlera e gjobave mandatarë shkon deri në 1.2 milion euro, kurse sa i përket mallit pa dokumentacion 155, 387 euro. Aktivitetet operative të cilat realizohen bazuar ne Planin Vjetorë të punës, kanë hasur edhe në konstatime tjera, siç është ajo e mungesës në stoqe, qarkullimit dhe tatimit shtesë”, thuhet në njoftim.
Bëhet e ditur se gjatë kësaj periudhe të aktiviteteve të ATK-së, ka pasur edhe rritje të të hyrave në vlerë 312.7 milion euro.
Kurse trajtimin e evazionit tatimor përveç me aktivitete rutinore, ATK thotë se do ta bëjë edhe përmes projekteve përmbushëse, si në fushën e ndërtimtarisë, gastronomisë/hotelerisë, mallit pa dokumentacion, mungesës në stoqe, si dhe mos-deklaruesve. /teve1.info./
