Autori: Jona Kelmendi
Fillimisht, bën thirrje për regjistrim.
E më pas, bën paralajmërim për kontrolle.
Në këtë mënyrë, Administrata Tatimore e Kosovës po u drejtohet bizneseve të paregjistruara.
Zëdhënësja e ATK-së, Valentina Bytyçi Sefa, tregon se inspektimet në teren do të rriten.
“Qëllimi i këtij projekti ka qenë të formalizojm tregun pra secili subjekt që operon të ardhuara nga një aktivitet i caktuar të identifikohet nga institucioni ynë që është i regjistruar. Dhe ne si rezultat i kësaj veç se kemi lansu kampanjen tonë paralajmëruese ndaj të gjitha bizneseve që operojnë duke mos i përmbushur detyrimet ligjore sipas legjislacionit tatimor fillimisht duke mos plotësuar kërkesen kryesore e cila është që duhet të jetë i regjistruar për të kryer aktivitetin e tij”, ka thënë Bytyçi Sefa.
Gjobat për bizneset e paregjistrura, Bytyçi Sefa tregon se nisin nga 500 euro.
“Si fillim gjoba ose penalizmi ndaj bizneseve të cilat zinen që janë duke operuar pa regjistrim, gjoba në bazë të legjislacionit tatimor është 500 euro, mirëpo kjo nuk do të thotë që përfundon me kaq ai dmth do të detyrohet që të marr gjobë dhe i nënshtrohet do të thotë regjistrimit të menjëhershëm të biznesit të tij dhe një kohësisht duhet të potencoj që nese ATK mbledh fakte që bizneset që kanë operuar me vite apo në një kohë më të gjatë se sa ne mendojm atëherë do ti nënshtrohen edhe aktiviteteve të tjera”, u shpreh tutje Bytyçi Sefa.
Këtë aksion të ATK-së e kanë mirëpritur edhe në Lidhjen e Bizneseve.
“ATK dhe inspektorati e kanë për detyrë që të dalin dhe të verifikojnë se cilat janë kompanitë që punojnë pa u regjistruar fare dhe cilat janë ato kompani që mund ti ikin tatimeve të TVSH-së, aksione të tilla kemi pasur çdo herë dhe aksionet e tilla nuk i demton fare qytetart nuk i demton fare bizneset por duhet që të jetë koordinim me pakot dhe ne koordinim me politikat që janë të parapara dhe një kohësisht ne kerkojm që çdo biznes të shkojnë dhe ta regjistrojnë”, ka thënë Dreshaj.
Administrata Tatimore e Kosovës iu bën thirrje gjitha bizneseve që të bashkëpunojnë më ta dhe ti përgjigjen kësaj thirrje duke regjistruar aktivitetin e tyre.
