Skuadra nga Serie A, Atalanta ka marrë një goditje të rëndë në prag të sezonit 2024/25.
Atalanta ka mbetur të paktën 6 muaj pa sulmuesin kryesor, Gianluca Scamacca, i cili do t’i nënshtrohet patjetër operimit të gjurit të majtë.
Scamacca u lëndua të dielën mbrëma në ndeshjen miqësore kundër Parmas, të cilën e humbi me rezultatin 4:1.
Lëndimi i Scamaccas ka ardhur në kohë tejet të papërshtatshme për Atalantan, ekip që më 15 gusht përballet me Real Madridin në kuadër të Superkupës së Evropës.
25-vjeçari, i cili ishte pjesë e Italisë në “Euro 2024”, sezonin e shkuar shënoi 19 gola dhe bëri 8 asistime në 44 paraqitje për Atalantan në të gjitha garat.
Rikthimi i Scamaccas në fushë pritet dikur kah fundi i muajit shkurt apo fillimi i marsit të vitit të ardhshëm.
