Sulmuesi i Kosovës, Astrit Selmani do të largohet nga Dinamo Bukureshti por jo edhe nga kampionati i Rumanisë.
Bëhet e ditur se Selmani do të jetë pjesë e skuadrës së Clujit prej sezonit të ardhshëm pasi pothuajse ka arritur marrëveshje me ekipin e ri.
Ai te Cluji do të transferohet si lojtar i lirë pasi në verë i skadon kontrata me Dinamon, ekip të cilit iu bashkua vitin e shkuar.
27-vjeçari po shkëlqen këtë sezon në Rumani, ku në 27 ndeshje kampionale ka shënuar 11 gola dhe ka bërë 6 asistime.
Pjesë e Clujit, janë edhe dy futbollistët tjerë të Kosovës, Lindon Emërllahu e Meriton Korenica.
