Aston Villa me një këmbë është në çerekfinale të Ligës së Kampionëve.
Të martën në Belgjikë, Aston Villa ka triumfuar ndaj Club Brugget me rezultatin 3:1 në ndeshjen e parë të 1/8 së finales të Championsit.
Më 12 mars do të luhet dueli i kthimit në Angli, ku do të përcaktohet skuadra që avancon në çerekfinale kurse Aston Villa është e favorizuar për shkak të fitores në ndeshjen e parë.
Leon Bailey e kalon Aston Villan në avantazh në minutën e tretë, përpara se Brugge të barazoj shifrat me anë të Maxime De Cuyper (12’).
Me këtë rezultat përfunduan 45 minutat e para, ndërsa Aston Villa realizoi edhe dy gola në pjesën e dytë për rezultatin përfundimtar.
Brandon Mechele i Brugget shënoi autogol në minutën e 82-të, përpara se Marco Asensio ta vulos fitoren e Aston Villas me golin e realizuar nga penalltia në minutën e 88-të.
Te Brugge startues ishte mesfushori Ardon Jashari, i cili luajti gjatë tërë ndeshjes.
