Asnjë qytetar me të drejtë vote nga 4 mijë e 24 nuk e ka shfrytëzuar këtë që të dalë në votimin për ose kundër shkarkimit të kryetarit aktual Ilir Peci, raporton teve1.info
Sipas informatave nga terreni në këtë komunë, KQZ i ka bërë të gjitha përgatitjet, por interesimi i qytetarëve nuk ka qenë që të marrin pjesë në këtë proces të votimit.
Në një intervistë për Tëvë1, foli edhe anëtari i KQZ-së, Enver Gaxherri.
“KQZ i ka bërë përgatitjet e procesit që nga ora 7:00 e mëngjesit, kjo qendër është ndër më të mëdhatë që përbënë mbi 60 për qind të trupës votuese, 4024 votues por mbi 11 orë qytetarët, përkundër se KQZ u mundësoi të gjithëve të drejtën e votës, nuk e kanë shfrytëzuar dhe pak minuta para mbylljes së qendrës nëse do të ketë votues ne jemi të gatshëm secilit t’ia mundësoj të drejtën e votimit”, tha Gaxheri.
