Mesfushori i Kombëtares së Shqipërisë, Kristjan Asllani do të jetë i gatshëm për ndeshjen e radhës që Interi e luan kundër Juventusit.
Asllani i mungoi Interit në dy ndeshjet e fundit për shkak të lëndimit, por 22-vjeçari është rikuperuar dhe do të jetë në dispozicion të trajnerit Simone Inzaghi për derbin e kampionatit italian.
Madje, Asllani pritet të aktivizohet prej minutës së parë kundër Juventusit pasi do ta zëvendësoj turkun Hakan Calhanoglu, i cili nuk do të luaj për shkak të lëndimit.
Ndeshja Inter – Juventus, luhet të dielën prej orës 18:00 dhe i takon xhiros së nëntë të Serie A.
Aktualisht, Interi zë vendin e dytë në tabelë me 17 pikë, një më shumë se Juventusi që është i treti dhe ende nuk di për humbje në kampionat. Tabelës i prinë skuadra e Napolit me 19 pikë të tubuara.
