Ata njoftuan se janë regjistruar gjithsej 2722 ndërmarrje, ku sipas tyre, krahasuar me tremujorin paraprak ka një rënie për 4.0 përqind.
“Në TM3 2022 gjithsej janë regjistruar 2722 ndërmarrje, ku krahasuar me tremujorin paraprak (TM2 2022) ka një rënie për 4.0% të ndërmarrjeve të regjistruara. Ndërsa, krahasuar me tremujorin e njëjtë të vitit paraprak (TM3 2021) ka një rritje për 9.8% të ndërmarrjeve të regjistruara. Aktivitetet ekonomike më të preferuara gjatë këtij tremujori ishin: Tregtia me shumicë dhe pakicë, riparim i mjeteve motorike, motoçikletave me 543 ndërmarrje të regjistruara (19.9%)”, njoftoi ASK.
Ndërkaq, ASK bëri të ditur se komuna e Prishtinës mbizotëron sa i përket shtrirjes gjeografike të ndërmarrjeve të regjistruara në nivel të komunave.
“Prizreni me 223 ndërmarrje të regjistruara (8.2%), Ferizaj me 217 ndërmarrje të regjistruara 8.0%), Gjilani me 148 ndërmarrje të regjistruara (5.4%), Peja me 130 ndërmarrje të regjistruara (4.8%) dhe Gjakova me 126 ndërmarrje të regjistruara (4.6%). Ndërsa, komunat e tjera kanë numër më të vogël të ndërmarrjeve të regjistruara në këtë tremujor”, thuhet tutje, raporton teve1.info.
