Zëvendësministrja e Punëve të Jashtme dhe Diasporës, Liza Gashi, tha se regjistrimi i popullsisë qe do te ndodh vitin tjetër do të shërbejë për planifikim në 20 vitet e ardhshme.
Gashi tha se regjistrimi i popullsisë është proces i rëndësishëm dhe bazament për te njohur se çfarë masa dhe politika mund të ndërtohen.
Mimoza Dushi profesoreshë në UP tha se regjistrimi i popullsisë është një prej projekteve më të mëdha që organizohet nga shtetit dhe si bazë shkencore që kërkon shumë ekspertë.
Regjistrimi i popullsisë tha ajo, politikbërësve iu ofron të dhëna për planifikimin e shtetit për zhvillim ekonomik dhe politikave të tjera.
Ajo tha se këtë vit regjistrimi do të bëhet jo duke plotësuar fizikisht formularin por përmes tabelave, ndërsa kërkoi mbështetje të madhe financiare edhe nga Qeveria.
Drejtori i Agjencisë së Statistikave të Kosovës, Avni Kastrati tha se Regjistrimi ka një ndryshim madhor krahasuar me atë të 2011 dhe se tashmë Kosova po i bashkohet edhe vendeve të Ballkanit dhe Evropës që e ka kryer regjistrimin.
Si sfidë për regjistrimin i cili do të nis vitin e ardhshëm, Kastrati renditi sigurimin e pajisjeve teknologjike si tabletët që do të nevojiten për këtë proces.
Kastrati tha se janë në fazën përfundimtare të pyetësorit.
