Nga Prishtina iu adresua kundërkandidatit.
“Albin Kurti është njeri i ligë “, ka thënë i pari i AAK-së, Ramush Haradinaj.
E përgjigjen e mori nga Mitrovica.
“Kur i dëgjoni ata duke – do të rrokatën në opozitë…”, ka thënë Kurti.
Tutje, Haradinaj e ka quajtur Kurtin shef i hajnave.
“Po dojnë me ua vjedh shtëpinë e me ju lënë bakshish”, ka thënë Kurti.
“Shko Albin”,-ka deklaruar Haradinaj.
“Shqiptarët nuk ndahen në të krishterë e muhamedan, por në anën e kombëtarëve e zuzarëve..ne jemi në anën e kombëtarëve”, ka thënë Kurti.
Kjo ishte vetëm dita e dytë e fushatës zgjedhore për zgjedhjet parlamentare të 9 shkurtit.
“Gjuha e komunikimit të kryeministrit Kurti ishte më ndryshe dhe me elemente ku del prej normalitetit të vet, por Kurti është aktor i mirë në lojën politike sepse luan me fenomene e veprime e po ashtu mesazhe, për shkak të përvojës së gjatë edhe si opozitar, këtë e bën shumë mirë. 3:12 Është një gjuhë ish-kryeministri Haradinaj, vazhdimisht gjatë këtij viti e ka përdorur në adresë të kundërshtarëve politik, e në vecanti ndaj kryetarit të Lëvizjes Vetëvendosje, Albin Kurti”, ka deklaruar Tomorr Avdija-njohës i protokollit.
Njohësi i protokollit, Tomorr Avdija, thotë se politikanët duhet të kenë kujdes me gjuhën që e zgjedhin gjatë fushatës zgjedhore.
“Kjo gjuhë mund të shpërndahet edhe tek militantët ku mund të ketë edhe incidente të cilat përveç se e dëmtojnë imazhin e subjekteve politike por edhe të procesit zgjedhor e demokratik”, ka deklaruar ai.
Sipas Avdijajt, më të matur u treguan kundërkandidatët e Kurtit dhe Haradinajt.
“Ka qenë e planifikuar çdo gjë në detaje, për dallim nga z. Hamza ku ishte komunikimi i duhur, ka pasur gjuhë të mirë, por ajo çfarë nuk ia jep komoditetin e duhur e z. Abdixhiku, është se z. Hamza nuk është kryetar i partisë, vetëm kandidat”.
Ndryshe, fushata zgjedhore do të zgjasë deri me 8 shkurt, ndërsa një ditë më pas do të mbahen zgjedhjet e rregullta parlamentare në Kosovë.
