Me gur e mjete piroteknike u prit në Skenderaj të hënën kandidati për kryeministër nga Lëvizja Vetëvendosje, Albin Kurti para sallës ku ishte e planifikuar të mbante tubim.
E një ditë pas vizitës në Drenicë, ministrja e drejtësisë hodhi akuza ndaj nënkryetarit të kësaj komune, Sami Lushtakut se kishte sulmuar eskortën e kryeministrit.
“Lushtaku mbrëmë personalisht ka tentuar të sulmojë eskortën e Kryeministrit. Ai me veturë zyrtare, 02Z, të Komunës së Skënderajt, e ka pre rrugën e veturës së Kryeministrit me qëllim sulmin”, ka thwnw ajo.
Por një gjë të tillë e kanë mohuar nga Komuna e Skënderajt.
Madje zëdhënësit i kësaj komune ka paralajmëruar edhe padi ndaj Haxhiut.
Kjo absulotisht është e pavërtetë, dega e Skënderajt i ka pezulluar të gjitha aktivitetet me u solidarizu me familjet e viktimave në Çubrel, edhe gjenerali Lushtaku e ka pasur një agjendë në Fushë Kosovë, edhe me siguri për këto shpifje do të paditet organet e drejtësisë.
E për situatën e krijuar në Skënderaj të hënën, kanë reaguar edhe rrjeti i organikave joqeveritar, Demokracia në Veprim.
“Ne dënojmë çdo formë dhune, provokimi apo ndërhyrje në proceset demokratike, veçanërisht gjatë një periudhe kaq të ndjeshme të fushatës zgjedhore. U bëjmë thirrje të gjitha palëve që të angazhohen për një fushatë të qetë dhe dinjitoze, ku mbizotëron respekti dhe debati i argumentuar. Për këtë qëllim, theksojmë nevojën që subjektet politike të moderohen në gjuhën dhe tonin që përdorin, duke shmangur diskursin e ashpër që rrezikon të përshkallëzojë tensionet dhe të ndikojë negativisht te qytetarët dhe mbështetësit”, ka thënë DnV.
Tëvë 1 ka dërguar pyetje edhe në Policinë e Kosovës rreth këtij rasti por nuk ka marr përgjigje.
