Paraqitja fantastike e Jasir Asanit në fitoren e tretë te ekipit Gwangju në Ligën e Kampionëve të Azisë, i është shpërblyer futbollistit të Kombëtares së Shqipërisë.
Asani është përfshirë në formacionin e xhiros së tretë të Championsit, pasi ishte më i merituari për triumfin ndaj ekipit nga Malajzia, Johor.
Gwangju fitoi 3:1 në fillim të kësaj jave, ndërsa Asani kontribuoi me dy gola dhe një asistim për fitoren e tretë në po aq ndeshje të luajtura në Ligën e Kampionëve të Azisë.
29-vjeçari është vlerësuar me notën 8.7 për paraqitjen e tij, ndërsa deri më tani në Champions, Asani ka shënuar 6 gola dhe ka bërë 1 asistim për ekipin nga Koreja e Jugut.
Gwangju prinë në tabelë me 9 pikë dhe është ekipi i vetëm pa humbje në sezonin e ri të Ligës së Kampionëve.
