Jasir Asani ishte vendimtar në pikën e fituar nga Gwangju në kuadër të xhiros së 23-t të kampionatit në Korenë e Jugut.
Gwangju barazoi 1:1 në shtëpi kundër ekipit Gimcheon Sangmu, ndërsa Asani shënoi golin për ekipin vendas.
Për Asanin, ky ishte goli i katërt në pesë ndeshjet e fundit kurse Gwangju zë vendin e gjashtë në tabelë me 32 pikë të mbledhura.
Asani e zhbllokoi rezultatin në minutën e 37-të, ndërsa dy minuta më vonë iu anulua një gol tjetër për shkak të pozitës jashtë loje.
Futbollisti i Kombëtares së Shqipërisë ishte titullar te Gwangju kurse u zëvendësua në minutën e 90-të.
