Kjo pas vendimit të Ministrisë së Arsimit që të matet edhe një herë cilësia e arsimit në vend.
Megjithatë, vet ky institucion nuk pret rezultate me të mira se në vitet paraprake.
Po ka qenë një vit i pandemisë respektivisht dy vite të pandemisë pothuajse të cilat më siguri kanë ndikuar në humbje mësimore, jo vetëm në Kosovë por në të gjitha vendet e botës. Prandaj në kushte të tilla nuk kemi pritshmëri më të larta nga testi.
Rezultate më të mira nuk pret as njohësi i arsimit, Rinor Qehaja.
Nuk mund te presim rezultate me te mira se që kanë qenë në testimet e mëparshme pasi që nuk kemi ndonjë ndryshim rrënjësor, korrikula vazhdon te jete e keq zbatueshme te metat e tjera brenda sistemit vazhdojnë te jenë të njëjta pa ndonjë reformë të mirëfillte që do të kontribuonte tutje në një permisim në këtë testim.
Por ndryshe mendon, Blerim Gërvalla- drejtori i shkollës profesionale, “Shtjefën Gjeçovi” në Prishtinë.
Sipas tij testi PISA nuk e pasqyron gjendjen e vërtetë të arsimit në Kosovë.
Dhe mos seriozitet i nxënësve gjatë plotësimit të këtij testi po ndikon që rezultati në PISA të jetë kaq i dobët. Se unë nuk besoj që kemi nxënës aq të dobët sa të radhitem ne fund të ranglistës së PISA-së
Testi PISA është paraparë të mbahet në vitin 2021, por është shtyrë për këtë vit për shkak të pandemisë.
Ky lloj testi bëhet çdo tre vjet në tri kategori: shkencë, matematikë dhe lexim, si dhe teston një mostër të nxënësve 15-vjeçare në një vend.
PISA e ka nxjerrë Kosovën gati në fund të listës botërore në vitin 2016 dhe në vitin 2019.
