Deputeti i PDK-së, Bekim Haxhiu ka thënë se as kryeministri, Albin Kurti, por as edhe zëvendëskryeministri, Besnik Bislimi nuk janë persona të luftës.
Duke ju referuar deklaratës së Bislimit për luftë, ai tha se këto terminologji janë thjesht për të larguar vëmendjen nga “dështimet“ e tyre.
Ai tha se koha e luftës ka mbaruar dhe cili ka pasur guxim ka marrë pjesë.
“So bre i luftës Besnik Bislimi, thirrja për luftë, ose këto terminologjitë e tyre për luftë janë për më zhvendos vëmendjen, për më frikësu popullatën…’Ne nuk patëm qare pa e bë Asociacionin se kem duke hyrë në luftë me Serbinë’, e që as njëri as tjetri nuk janë të luftës. Ka qenë koha e luftës, kush ka pasur guxim ka marrë pjesë, mundet të këtë qenë kontribues në zyrën e Demaçit, edhe aty ka dhënë dorëheqje, pra edhe prej asaj zyre. Këtë terminologji janë duke e përdorur për të justifikuar dështimet e tyre“, ka deklaruar ai në emisionin “Info Nata “ në Tëvë1.
Ndryshe, Bislimi ditë më parë ka deklaruar se vendi ynë duhet të jetë gati për luftë, pasi kundër Kosovës gjithmonë mund të nisë një sulm hibrid nga Serbia.
