Artikulli për UÇK-në ka qenë pjesë e diskutimit edhe sot pas mbledhjes së Kryesisë së Kuvendit, e cila ka dështuar si rezultat i kuorumit.
Basha në një deklarim për media ka kërkuar falje për siç ka thënë “pakujdesinë” e tij, pasi deklaroi se nuk e ka lexuar komplet artikullin.
Ai bëri të ditur se ka kërkuar të hiqet kapitulli i punuar nga ai në atë punim, e po ashtu të largohet edhe emri i tij si autor.
“Kërkoj falje për pakujdesinë time. Duhet ta pranoj që kam qenë i pakujdesshëm dhe i pavëmendshëm. Unë kam kërkuar që të tërhiqet kapitulli dhe emri im nga punimi. Unë nuk kam të bëjë asgjë me këtë. Unë kërkoj falje për pavëmendjen time, por askush nuk mund ta vë në dilemë atdhetarizmin tim”, ka thënë ai. /teve1.info/
