Arsenali ka lënë pas një mesjavë për t’u kujtuar gjatë, teksa mundi Realin e Madridit në ndeshjen e vajtjes në çerekfinalet e Ligës së Kampioneve.
Një sukses 3-0 që e vendos skuadrën e Mikel Artetës si favorite për të shkuar mes katër më të mirava në Evropë dhe për të zbritur nga froni Realin. Por, ndërsa përparon në Champions, trajneri i “Topçinjve” nuk ka ndër mend të ngrejë flamurin e bardhë as në Premier Ligë. Ai ka kërkuar nga skuadra përqendrim maksimal për takimin e sotëm kundër Brentfordit. Me një fitore, Arsenali do ta reduktonte në 8 pikë diferencën me Liverpulin kryesues dhe Arteta e dëshiron këtë sukses për të vënë nën presion skuadrën e Arne Slot që nesër pret Uest Hemin.
“Nuk dua të mendoj tani për Realin. Kemi bërë një ndeshje mjaft të mirë ndaj tyre në mesjavë dhe kemi hedhur një hap të rëndësishëm në Champions. Por tani nuk ka kohë për të festuar. Duhe ttë mndojmë seriozisht për Premier Ligën.
Pavarësisht se jo çdo gjë varet nga ne, duhe ttë besojmë dhe të luftojmë deri në fund. Sigurisht që titullin mund ta humbasë Liverpuli në kushtet ku ndodhemi. Por ne duhet të bëjmë pjesën tonë, duhet të fitojmë ndeshjet tona dhe të shohim se çfarë do të ndodhë”, deklaroi Mikel Arteta. Trajneri i Arsenalit gjithashtu shtoi se sulmuesi i “Topçinjve”, Kai Haverc, pritet që shpejt të kthehet në skuadër.
