Trajneri Mikel Arteta do të mbetet edhe për një periudhë në krye të Arsenalit, pasi ka firmosur kontratë të re me ekipin nga Londra.
Klubi nga Premier League, ka njoftuar të enjten se me kontratën e re, Arteta do të jetë trajner i Arsenalit deri në verën e vitit 2027.
Pas firmosjes të kontratës së re, Arteta ka thënë se ndihet shumë krenar dhe i emocionuar që do ta vazhdoj punën e tij me Arsenalin.
Kontrata paraprake i skadonte Artetas në vitin tjetër, ndërsa në krye të Arsenalit është prej vitit 2019.
Nën drejtimin e Artetas, Arsenali ka triumfuar Kupën FA dhe dy herë të tjera e ka fituar Superkupën e Anglisë.
Në 235 ndeshje si trajneri i Arsenalit në të gjitha garat, Arteta ka regjistruar 139 fitore me ekipin londinez.
Këtë sezon, Arsenali ka tubuar 7 pikë pas tri xhirove të zhvilluara në Premier League, ndërsa këtë vikend luan me Tottenhamin.
