Declan Rice në verë mund të largohet nga West Hami në verë, por jo edhe nga Londra.
Sipas raportimeve të fundit nga mediat angleze, Arsenali e ka bërë mesfushorin anglez prioritetin kryesor për ta transferuar në merkaton e verës.
‘Topçinjtë’ shpresojnë se do të mposhtin rivalët e tyre, Chelsean në garën për transferimin e Rice.
Rice ka kontratë me West Hamin deri në vitin 2024 dhe ai nuk ka pranuar që të rinovojë kontratën me ekipin londinez, dhe me shumë gjasë po kalon edicion e tij të fundit më këtë skuadër.
Për shërbimet e Rice, Arsenali pritet të paguajë rreth 70 milionë milionë euro.
Gjithnjë sipas mediave angleze, edhe Rice është i hapur për një kalim te Arsenali në fund të sezonit.
Këtë sezon në Ligën Premier, 24-vjeçari ka zhvilluar 19 ndeshje, prej të cilave ka shënuar një gol dhe ka kontribuar me dy asistime.
Rice është pjesë e kombëtares së Anglise që nga viti 2019 dhe deri më tani ka zhvilluar 39 ndeshje me ‘Tre Luanët’, teksa më parë ka përfaqësuar edhe Irlandën.
Përveç Arsenalit, në garë për transferimin e Rice janë edhe Chelsea, Manchester City dhe Manchester United.
