Mesfushori Ruben Neves pritet të jetë përforcimi i parë i Arsenalit në afatin kalimtar të janarit, ka shkruar “The Sun” të enjten. Mësohet se Arsenali ka marrëveshje me Al-Hilalin për huazimin e portugezit, i cili ka kërkuar rikthimin në Premier League.
Thuhet se klubi londinez, po ashtu, do ta ketë opsionin e blerjes së tij në verë. Neves nuk është i kënaqur me transferimin e tij në Arabinë Saudite dhe për këtë arsye dëshiron të kthehet në Angli dhe parimisht ka marrëveshje me Arsenalin.
Ai e njeh futbollin anglez, pasi këtë verë u largua nga Wolverhamptoni pas gjashtë edicioneve për të firmosur me Al-Hilalin deri në vitin 2026. 26-vjeçari ka 2 gola e 1 asistim në 17 ndeshje të zhvilluara për ekipin e Arabisë Saudite në të gjitha garat.
