Numri i viktimave nga tragjedia në Republikën Domenikane ku u shemb çatia në klubin e natës Jet Set ka arritur në 218, kanë thënë zyrtarët.
Mediat lokale duke cituar drejtorin e operacioneve emergjente të vendit, Juan Manuel Mendez, raportuan të enjten se të paktën 218 njerëz kishin vdekur në aksident dhe 189 të tjerë u “shpëtuan të gjallë”. Mendez gjithashtu theksoi se ishte një “shifër paraprake”.
“Ne do të jemi këtu derisa të kemi gjetur të gjithë, të vdekur apo të gjallë,” tha ai, duke shtuar se asnjë i mbijetuar nuk ishte gjetur nën rrënoja që nga e marta pasdite, ka raportuar Al Jazeera.
Më shumë se 20 nga 150 personat e vlerësuar të lënduar në aksident mbeten të shtruar në spital, duke përfshirë të paktën tetë në gjendje kritike, thanë zyrtarët.
Klubi ku ndodhi tragjedia ishte i mbushur me muzikantë, atletë profesionistë dhe zyrtarë qeveritarë kur pluhuri filloi të binte nga tavani dhe në pijet e njerëzve herët të martën. Pak minuta më vonë, çatia u shemb.
Nuk është ende e qartë se çfarë e shkaktoi shembjen e tavanit dhe klubi i natës ka lëshuar një deklaratë duke thënë se po bashkëpunon me autoritetet.
