Policia e Kosovës ka arrestuar një postier, të dyshuar për kryerjen e veprës penale ‘Keqpërdorim i pozitës zyrtare’.
I njëjti dyshohet se kundërligjshëm kishte larguar një zarf nga zyra e postës, përderisa ishte në orar të punës.
“Bazuar në informatat e pranuara dyshohet se në zarf kanë qenë disa fotografi të ndjeshme”, thuhet në njoftimin e policisë.
Të njëjtit i janë caktuar 48 orë paraburgim nga prokurori i rastit.
“Në konsultim dhe koordinim me Prokurorin Kujdestar nga PTH në Prishtinë, është lëshuar Vendim mbi ndalimin e të dyshuarit dhe i njëjti është dërguar në mbajtje për 48 orë për procedura të mëtejme”, thuhet në njoftimin e PK-së.
