Policia e Kosovës ka bërë të ditur se është arrestuar Ujkan Metaj i arratisur nga burgu i Dubravës.
Ai është arrestuar të mërkurën në orët e pasdites.
“Si rezultat i angazhimeve të pandërprera të Policisë së Kosovës, konkretisht të Drejtorisë Rajonale në Pejë, në kërkim të personit të dyshuar U.M, viti i lindjes1988 nё Istog, i cili ishte i kërkuar për veprën penale “Arratisja e personit tё privuar nga liria”, i njëti është arrestuar sot në orët e pasdites. Identifikimit dhe lokalizimit të tij i ka paraprirë ndërmarrja e masave aktive hetimore dhe operative, të cilat kanë rezultuar edhe me arrestimin e personit të dyshuar”, thuhet nga Policia.
Ujkan Metaj ishte arratisur 12 ditë më parë.
